തിരുവനന്തപുരം: ശബരിമല തീര്‍ഥാടനത്തിന് കൂടുതല്‍ ഇളവുകള്‍ പ്രഖ്യാപിച്ച് സര്‍ക്കാര്‍. ആദ്യ ദിവസങ്ങളില്‍ 25,000 പേര്‍ക്ക് പ്രവേശനം നല്‍കും. പമ്പ സ്‌നാനത്തിനും അനുമതിയുണ്ട്. തീര്‍ഥാടനത്തിന് എത്തുന്നവരുടെ വാഹനങ്ങള്‍ക്ക് നിലയ്ക്കല്‍ വരെയാണ് പ്രവേശനമുള്ളത്.
നെയ്യഭിഷേകം മുന്‍ വര്‍ഷങ്ങളിലേത് പോലെ നടക്കും. വെര്‍ച്വല്‍ ക്യൂ വഴിയാണ് എല്ലാവര്‍ക്കും പ്രവേശനം നല്‍കുക. ശുചീകരണ തൊഴിലാളികളുടെ ശമ്പളം വര്‍ധിപ്പിക്കാനും തീരുമാനമായി. മുഖ്യമന്ത്രി പിണറായി വിജയന്റെ അധ്യക്ഷതയില്‍ ചേര്‍ന്ന യോഗത്തിലാണ് ഇളവുകള്‍ പ്രഖ്യാപിച്ചത്.
