ആറ്റിങ്ങൽ: അഭിഭാഷകൻ ഓടിച്ച കാർ തട്ടി കാൽ നട യാത്രക്കാരിക്ക് ഗുരുതര പരിക്ക്. അഞ്ചുതെങ്ങ് സ്വദേശിനി വിജി (24)ക്കാണ് പരുക്കേറ്റത്. ആലംകോട് പുളിമൂട്ടിൽ വെച്ച് ആണ് അപകടം. ഇരു ചക്ര വാഹനത്തിൽ എത്തിയ വിജി സ്കൂട്ടർ റോഡരുകിൽ നിർത്തിയ ശേഷം സമീപത്തെ കടയിൽ കയറി സാധനം വാങ്ങി. തിരിച്ചു സ്കൂട്ടറിന് അടുത്തേക്ക് വരവെയാണ് കാർ ഇടിച്ചു തെറിപ്പിച്ചത്. ആറ്റിങ്ങലിലെ അഭിഭാഷകൻ ഓടിച്ചിരുന്ന കാർ ഇടിച്ചു ആണ് അപകടം ഉണ്ടായത്. ഉടൻ തന്നെ വിജിയെ ആറ്റിങ്ങലിലെ ആശുപത്രിയിൽ എത്തിച്ചു. പരുക്ക് ഗുരുതരമായതിനാൽ തിരുവനന്തപുരം മെഡിക്കൽ കോളേജ് ആശുപത്രിയിലേക്ക് മാറ്റി.
