ആറ്റിങ്ങൽ: സിപിഐഎം ആറ്റിങ്ങൽ വെസ്റ്റ് ലോക്കൽ കമ്മിറ്റിയുടെ നേതൃത്വത്തിൽ നവകേരള സദസ്സ് സംഘടിപ്പിച്ചു. ആറ്റിങ്ങൽ കുഴിമുക്കിൽ വച്ച് നടന്ന സദസ്സിനെ ഉദ്ഘാടനം സിഐടിയു സംസ്ഥാന പ്രസിഡൻറ് ആനത്തലവട്ടം ആനന്ദൻ ഉദ്ഘാടനം ചെയ്തു.സി പി എം ആറ്റിങ്ങൽ ഏരിയാ കമ്മിറ്റി അംഗം ആ രാജു അധ്യക്ഷതയും സിപിഎം വെസ്റ്റ് ലോക്കൽ കമ്മിറ്റി സെക്രട്ടറി സി. ദേവരാജൻ സ്വാഗതവും പറഞ്ഞ പരിപാടിയിൽ സിപിഎം ജില്ലാ കമ്മിറ്റി അംഗം അഡ്വക്കേറ്റ് ജി സുഗുണൻ ഏരിയ സെക്രട്ടറി അഡ്വക്കേറ്റ് എസ് ലെനിൻ, എര്യാ കമ്മിറ്റി അംഗം വിഷ്ണു ചന്ദ്രൻ , വേണുഗോപാലൻ തുടങ്ങിയവർ സംസാരിച്ചു.പച്ചക്കുളം പ്രദേശത്തുനിന്നും ബിജെപി ബന്ധം ഉപേക്ഷിച്ച് വന്ന ഉമേഷ് ,അനീഷ് എന്നിവരെ ആനത്തലവട്ടം ആനന്ദൻ പാർട്ടി പതാക നൽകി സ്വീകരിച്ചു. പരിപാടിയിൽ ആറ്റിങ്ങൽ നഗരസഭ വൈസ് ചെയർമാൻ തുളസീധരൻ പിള്ള നന്ദിയും രേഖപ്പെടുത്തി.
