പിരപ്പൻ കോട് പ്ലാവിള വീട്ടിൽ ഷിബു (35) മകൾ അലംകൃത (4) എന്നിവർക്കാണ് അപകടത്തിൽ പരിക്കേറ്റത്. ഷിബു മരണപെട്ടു. മകൾ അലംകൃത ഗുരുതര പരുക്കുകളോടെ ആശുപത്രിയിലാണ്. രാവിലെ 6.20ന് വെഞ്ഞാറമൂട് മുസ്ലിം പള്ളിക്ക് സമീപമാണ് അപകടമുണ്ടായത്. രോഗിയുമായി ഇടുക്കിയിൽ പോയി മടങ്ങിവരുന്ന സമയത്താണ് ആംബുലൻസ് അപകടം ഉണ്ടാക്കിയത്. റോഡിന് ഒരു വശത്തേക്ക് ബൈക്ക് നിർത്തി ഇറങ്ങാൻ നേരത്താണ് ആംബുലൻസ് അപകടമുണ്ടാക്കിയത്. ആംബുലൻസ് ഡ്രൈവർ ഉറങ്ങിപ്പോയതാണ് അപകടത്തിന് കാരണമെന്നാണ് പ്രാഥമിക നിഗമനം. തിരുവനന്തപുരം മെഡിക്കൽ കോളേജ് എംപ്ലോയീസ് ക്രെഡിറ്റ് യൂണിയനു കീഴിലുള്ള ആംബുലൻസ് ആണ്.
