ആലംകോട് ജങ്ഷനിൽ കാറും ബസും കൂട്ടിയിടിച്ച് കാർ യാത്രികന് പരിക്ക്. കൊല്ലം സ്വദേശി സജിത്തിനാണ് പരിക്കേറ്റത്. ഇന്ന് ഉച്ചയ്ക്ക് പന്ത്രണ്ടര യോടെയായിരുന്നു സംഭവം. ഇദ്ദേഹത്തെയും ഒപ്പമുണ്ടായിരുന്ന ആളിനെയും ആറ്റിങ്ങൽ വലിയ കുന്ന് ആശുപത്രിയിൽ പ്രവേശിപ്പിച്ചു. കാലിനു പൊട്ടലുണ്ടെന്നാണ് പ്രാഥമിക വിവരം.
കൊല്ലം ഭാഗത്ത് നിന്നും വന്ന ഇന്നോവ കാർ ആറ്റിങ്ങലിലേയ്ക് വരുകയായിരുന്ന എസ് ആർ ബസുമായി കൂട്ടിയിടിക്കുകയായിരുന്നു. ഇടിയുടെ ആഘാതത്തിൽ കാറിന്റെ മുൻവശം പൂർണമായും തകർന്നു. പോലീസും ഫയർ ഫോഴ്സും നാട്ടുകാരും ചേർന്ന് അപകടത്തിൽ പെട്ട കാർ റോഡിൽ നിന്നും നീക്കം ചെയ്തു. അപകടത്തെ തുടർന്ന് ഏകദേശം ഒരു മണിക്കൂറോളം ഗതാഗതം സ്തംഭിച്ചു.
