ബംഗളൂരു: ബംഗളൂരു ചിത്രദുര്ഗയില് ഉണ്ടായ വാഹനാപകടത്തില് രണ്ട് മലയാളി വിദ്യാര്ത്ഥികള് മരിച്ചു. നഴ്സിങ് വിദ്യാര്ത്ഥികളായ കൊല്ലം അഞ്ചല് സ്വദേശികളായ യാസീന് (22) അല്ത്താഫ് (22) എന്നിവരാണ് മരിച്ചത്. ചിത്രദുര്ഗ എസ്.ജെ.എം നഴ്സിങ് കോളേജിലെ ഒന്നാം വര്ഷ വിദ്യാര്ഥികളാണ് ഇരുവരും. ഇവര് സഞ്ചരിച്ച ബൈക്കും ബസും കൂട്ടിയിടിച്ചാണ് അപകടം ഉണ്ടായത്.
കൂടെയുണ്ടായിരുന്ന നബീലെന്ന വിദ്യാര്ഥിയെ ബെംഗളുരുവിലെ സ്വകാര്യ ആശുപത്രിയില് പ്രവേശിപ്പിച്ചു. ചിത്രദുര്ഗ ജെസിആര് എക്സ്റ്റന്ഷനു സമീപത്തുവച്ചാണ് അപകടം. റംസാന് നോമ്പിന്റെ ഭാഗമായി പുലര്ച്ചെ ഭക്ഷണം കഴിച്ചു മടങ്ങുന്നതിനിടെ ആണ് അപകടം ഉണ്ടായത്. ഇരുവരുടെയും മൃതദേഹങ്ങള് പോസ്റ്റ്മോര്ട്ടത്തിന് ശേഷം ബന്ധുക്കള്ക്ക് വിട്ടുകൊടുക്കുമെന്ന് പൊലീസ് അറിയിച്ചു.
