ആറ്റിങ്ങൽ: നിയന്ത്രണം വിട്ട കാർ കുഴിയിൽ വീണു ഒരാൾ മരണപെട്ടു, 5 പേർക്ക് പരിക്ക്. ആലംകോട് പാലാംകോണം കാറ്റാടി മുക്ക് ജംഗ്ഷനിൽ ചൊവ്വാഴ്ച രാത്രി 11. 30 ഓടെയായിരുന്നു സംഭവം. തൊപ്പിച്ചന്ത ഭാഗത്ത് നിന്നും ആലംകോട് ഭാഗത്തേയ്ക്ക് പോയ മാരുതി സുസുക്കി സിയാസ് കാർ ആണ് അപകടത്തിൽപ്പെട്ടത്. ബൈപാസ് നിർമാണ കുഴിയിലേയ്ക് കാർ മറിഞ്ഞാണ് അപകടം സംഭവിച്ചത്.
പാരിപ്പള്ളി സ്വദേശി ഡോമിസ്(21) ആണ് മരണപ്പെട്ടത്. അപകടത്തിൽ പരിക്കേറ്റ മറ്റ് 5 പേർ മെഡിക്കൽ കോളേജ് ആശുപത്രിയിൽ ചികിത്സയിലാണ്. കിളിമാനൂർ സ്വദേശി അക്ഷയ് (22), കടയ്ക്കാവൂർ സ്വദേശി ബ്രൗൺ (21), അഞ്ചുതെങ്ങ് സ്വദേശി ഫ്ലമിൻസ് (23), കടയ്ക്കാവൂർ സ്വദേശി സ്റ്റീഫൻ (21), വക്കം സ്വദേശി വിഷ്ണു (20) എന്നിവർക്കാണ് പരിക്കേറ്റതെന്നാണ് പ്രാഥമിക വിവരം
