വര്‍ക്കലയില്‍ സ്വകാര്യ ബസ് ഇടിച്ച് മത്സ്യത്തൊഴിലാളി മരിച്ചു

വര്‍ക്കല: വര്‍ക്കല ഇലകമണ്‍ ഹരിഹരപുരത്ത് ബസ്സ് ഇടിച്ച് ഒരാള്‍ മരണപ്പെട്ടു. മത്സ്യത്തൊഴിലാളിയായ സ്റ്റാന്‍ലി ആന്റണി(65) ആണ് മരണപ്പെട്ടത്. ഇന്ന് രാവിലെ 7.35 ഓടെ ഹരിഹരപുരം സ്‌കൂള്‍ ജംഗ്ഷന് സമീപം റോഡ് മുറിച്ചു കടക്കവെ ഗോകുലം എന്ന സ്വകാര്യ ബസ്സ് ഇടിച്ചാണ് അപകടം ഉണ്ടായത്. സ്റ്റാന്‍ലി ആന്റണി സംഭവ സ്ഥലത്ത് തന്നെ മരണപ്പെട്ടു. മൃതദേഹം പാരിപ്പള്ളി മെഡിക്കല്‍ കോളജിലേക്ക് മാറ്റി.