ആറ്റിങ്ങൽ ഗവ. ഐ.ടി.ഐ പ്ലേസ്മെന്റ് & കരിയർ ഗൈഡൻസ് സെല്ലിന്റെ ആഭിമുഖ്യത്തിൽ മൾട്ടി നാഷണൽ കമ്പനിയിൽ വിദ്യാർത്ഥികൾക്ക് നിയമനം

ആറ്റിങ്ങൽ ഗവ. ഐ.ടി.ഐ പ്ലേസ്മെന്റ് ആൻഡ് കരിയർ ഗൈഡൻസ് സെല്ലിന്റെ ആഭിമുഖ്യത്തിൽ മൾട്ടി നാഷണൽ കമ്പനിയായ എൽ ആൻഡ്‌ ടി ആറ്റിങ്ങൽ ഐ ടി ഐ യിൽ വച്ചു നടത്തിയ ക്യാമ്പസ് ഇന്റർ വ്യൂവിൽ 15 വിദ്യാർത്ഥികൾക്ക് കൂടി നിയമനം. 2024-25 അധ്യയന വർഷാവസാനം വിവിധ ട്രേഡുകളിലായി
പഠിച്ചുകൊണ്ടിരിക്കുന്ന 61 പേർക്ക് കാഞ്ചിപുരം എൽ ആൻഡ്‌ ടി.യിലും ഡ്രാഫ്റ്റ്‌മാൻ സിവിൽ/ മെക്കാനിക്കൽ ട്രേഡിലെ 14 പേർക്ക് തിരുവനന്തപുരം ബിംലാബ്‌സ് എന്ന സ്ഥാപനത്തിലും ലഭിച്ച നിയമനത്തിന് പുറമേയാണിത്.

കഴിഞ്ഞ അധ്യയന വർഷം യു എ ഇ ആസ്ഥാനമായുള്ള വെർട്ടിവ് പവർ ബാർ, ഐവ ഗ്രൂപ്പ്, അശോക് ലൈലാൻഡ്, വർക്‌സ് ഇന്റർനാഷണൽ എന്നീ പ്രമുഖ കമ്പനികളിൽ ഉൾപ്പെടെ 625 ഓളം ട്രെയിനികൾക്ക് പ്ലേസ്മെന്റ് സെൽ വഴി ജോലി ലഭിച്ചിട്ടുണ്ട്. ആറ്റിങ്ങൽ ഐടിഐ പ്രിൻസിപ്പൽ ശിവരാജ് അവർകൾ നിയമന ഉത്തരവുകൾ വിദ്യാർത്ഥികൾക്ക് കൈമാറി. വൈസ് പ്രിൻസിപ്പൽ മിനി. കെ, ഗ്രൂപ്പ് ഇൻസ്ട്രക്ടറർമാരായ സന്തോഷ്, ഉമേഷ്, സാബു, സ്റ്റാഫ് സെക്രട്ടറി മിഥുൻലാൽ എം, പ്ലേസ്മെൻ്റ് ഓഫീസർ പ്രീത വി കെ , തുടങ്ങിയവർ ചടങ്ങിൽ പങ്കെടുത്തു.