നോട്ടിരട്ടിപ്പ് സംഘം ആറ്റിങ്ങൽ പോലീസിന്റെ പിടിയിലായി

ആറ്റിങ്ങൽ ചിറ്റാറ്റിൻകര എം ജി റോഡിൽ ജൂവലറി ബിസിനസ് നടത്തി വരുന്ന ശ്യാം എന്നയാളിൽ നിന്നും 2 ലക്ഷം രൂപ വാങ്ങി പകരം 5 ലക്ഷം രൂപയുടെ ഡോളർ നൽകാമെന്ന് പറഞ്ഞ് പണം തട്ടിയ നോട്ടിരട്ടിപ്പ് സംഘത്തെ ആറ്റിങ്ങൽ പോലീസ് അറസ്റ്റ് ചെയ്തു. കള്ള നോട്ട്, കുഴൽപണം, പിടിച്ചുപറി, വധശ്രമം തുടങ്ങി നിരവധി കേസുകളിൽ പ്രതികളായിട്ടുള്ള തിരുവനന്തപുരം സ്വദേശി മുഹമ്മദ് ഷാൻ( 34), കൊല്ലം സ്വദേശികളയാ ചന്ദ്രബാബു (62) ഗീവർഗ്ഗീസ്( 58) എന്നിവരെയാണ് തിരുവനന്തപുരം റൂറൽ ജില്ലാ പോലീസ് മേധാവി കിരൺ നാരായണൺ IPS ന് കിട്ടിയ രഹസ്യവിവരത്തിൻ്റെ അടിസ്ഥാനത്തിൽ ആറ്റിങ്ങൽ DySP എസ്. മഞ്ജുലാലിൻ്റെ നേതൃത്വത്തിൽ ആറ്റിങ്ങൽ ISHO ജി.ഗോപകുമാർ, SI ജിഷ്ണു, തിരുവനന്തപുരം റൂറൽ ഡാൻസാഫ് ടീം ഗ്രേഡ് SI ദിലീപ്, ASI രാജീവൻ, SCPO മാരായ അനിൽകുമാർ, അരുൺകുമാർ, റിയാസ് എന്നിവരടങ്ങിയ സംഘം അറസ്റ്റ് ചെയ്തത്.അറസ്റ്റ് ചെയ്ത പ്രതികളെ റിമാൻഡ് അപേക്ഷ സഹിതം കോടതിയിൽ ഹാജരാക്കി.