തൃശൂർ: തൃശൂരിലെ എടിഎമ്മിൽ തീപിടിത്തം. ഒല്ലൂർ രാമൂസ് ഷോപ്പിംഗ് മാളിൽ പ്രവർത്തിക്കുന്ന സൗത്ത് ഇന്ത്യൻ ബാങ്കിലാണ് തീപിടുത്തം ഉണ്ടായത്. ഇന്ന് രാവിലെ 11 മണിയോട് കൂടിയാണ് സംഭവം നടന്നത്. ഷോർട്ട് സർക്യൂട്ടാണെന്നാണ് പ്രാഥമിക നിഗമനം. എടിഎം മെഷീന് കേട് സംഭവിച്ചിട്ടില്ല.
തൃശൂരിൽ നിന്നും അഗ്നിശമനേ സേന യൂണിറ്റ് എത്തിയാണ് തീ പൂർണമായി അണച്ചത്. എടിഎം മെഷീന് പുറകുവശത്തായി സൂക്ഷിച്ചിരുന്ന ബാറ്ററികളും കൺട്രോൾ മെഷീനുകളും അനുബന്ധ വൈദ്യുതി ഉപകരണങ്ങളും പൂർണ്ണമായും കത്തി നശിച്ചു. ഷോപ്പിംഗ് മാളിൽ പ്രവർത്തിക്കുന്ന സൗത്ത് ഇന്ത്യൻ ബാങ്കിന്റെ ബ്രാഞ്ചിലേക്കും മറ്റു കടകളിലേക്കും തീ പടരാതിരുന്നതിന്നാൽ വൻ ദുരന്തം ഒഴിവായി.
