കല്ലമ്പലം: നാവായിക്കുളം മേഖലയിൽ വീണ്ടും അഞ്ജാത ജീവിയുടെ ആക്രമണം. ഡീസൻ്റ്മുക്ക് റിയാന കോട്ടേജിൽ റംസി ബഷീറിൻ്റെ ഉടമസ്ഥതയിലുള്ള കോഴി ഫാമിലാണ് അജ്ഞത ജീവിയുടെ ആക്രമണം ഉണ്ടായത്. കഴിഞ്ഞ ദിവസം രാത്രി ഒന്നോടെയാണ് സംഭവം. ഫാമിൻ്റെ ഷീറ്റും ഗ്രില്ലും തകർത്ത അജ്ഞാത ജീവി അകത്ത് കടന്നു. രണ്ട് കൂടുകളിലായി ഉണ്ടായിരുന്ന 25 ഓളം കോഴികളെ കൊന്നൊടുക്കുകയും അതിൽ പകുതിയോളം കോഴികളെ ഭക്ഷിക്കുകയും ചെയ്തിരിക്കുകയാണ്.
മറ്റു കൂടുകളിൽ 50 ഓളം കോഴികൾ ഉണ്ടായിരുന്നെങ്കിലും ആ കൂടുകളിൽ അജ്ഞാത ജീവിക്ക് പ്രവേശിക്കാൻ കഴിയാത്തതിനാൽ സുരക്ഷിതരാണ്. മറ്റു കൂടുകളുടെ ഗ്രില്ല് തകർക്കുവാൻ കഴിയാത്തതിനാൽ മറ്റു കോഴികൾ രക്ഷപെട്ടു. ഇനിയും അജ്ഞാത ജീവിയുടെ ആക്രമണം ഉണ്ടാകുമോ എന്ന ഭീതിയിലാണ് കുടുംബം.
