കോളനി സന്ദർശനവും ലഹരി വിരുദ്ധ ബോധവൽക്കരണ ക്ലാസും സംഘടിപ്പിച്ചു. തിരുവനന്തപുരം റൂറൽ ജില്ലാ പോലീസ് മേധാവി കോളനി സന്ദർശനവുമായി ബന്ധപ്പെട്ട് ആറ്റിങ്ങൽ ജനമൈത്രി പോലീസിന്റെയും എസ് സി/ എസ് ടി മോണിറ്ററിങ് കമ്മിറ്റിയുടെയും നേതൃത്വത്തിൽ കോരാണി പുകയിലത്തോപ്പ് കോളനി ഐ ടി ഐ യിൽ വച്ച് ലഹരി വിരുദ്ധ ബോധവൽക്കരണ ക്ലാസ് സംഘടിപ്പിച്ചു.
ആറ്റിങ്ങൽ ഡിവൈഎസ്പി ജയകുമാർ റ്റി യുടെ അധ്യക്ഷതയിൽ കൂടിയ യോഗത്തിൽ ജില്ലാ പോലീസ് മേധാവി ചടങ്ങ് ഉദ്ഘാടനം ചെയ്യുകയും ചിറയിൻകീഴ് എക്സ്ചേഞ്ച് റേഞ്ച് ഇൻസ്പെക്ടർ ഷാനവാസ്, ആറ്റിങ്ങൽ പോലീസ് സ്റ്റേഷനിലെ എ എസ് ഐ സുനിൽ എന്നിവർ ലഹരി വിരുദ്ധ ക്ലാസുകൾ നയിച്ചു. ജില്ലാ പോലീസ് മേധാവി ശില്പ ദേവയ്യ ഐ പി എസ് കോളനി നിവാസികളുമായി ആശയവിനിമയം നടത്തി.
കോളനി നിവാസികളുടെ പരാതികളും പ്രശ്നങ്ങളും നേരിട്ട് കേട്ടു അതിന് പരിഹാരം ഉണ്ടാകുമെന്ന് ഉറപ്പുനൽകിയിട്ടുള്ളതുമാണ്. തിരുവനന്തപുരം റൂറൽ ഡി സി ആർ ബി ഡിവൈഎസ്പി അനിൽകുമാർ, ആറ്റിങ്ങൽ ഐ എസ് എച്ച് ഒ മുരളീകൃഷ്ണൻ, ആറ്റിങ്ങൽ എസ് സി/ എസ് ടി മോണിറ്ററിംഗ് കമ്മിറ്റി കൺവീനർ ബാലകൃഷ്ണൻ, വാർഡ് മെമ്പർ ഷീജ, ഐ ടി ഐ പ്രിൻസിപ്പൽ ലിജി, എസ് സി/ എസ് ടി മോണിറ്ററിങ് കമ്മിറ്റി മെമ്പർ അനിൽകുമാർ എന്നിവർ പങ്കെടുത്തു.
