കേരള സർക്കാർ പൊതുവിദ്യാഭ്യാസവകുപ്പും – ആരോഗ്യ വകുപ്പും സമഗ്ര ശിക്ഷാ കേരളയുടെ നേതൃത്വത്തിൽ ഭിന്ന ശേഷി കുട്ടികൾക്കായി സംഘടിപ്പിക്കുന്ന കണിയാപുരം ബിആർസി തല മെഡിക്കൽ ക്യാമ്പ് 2022 സംഘടിപ്പിച്ചു. ചിറയിൻകീഴ് താലൂക്ക് ആശുപത്രിയിൽ വച്ച് നടന്ന ക്യാമ്പിൽ നിന്നും കണ്ടെത്തുന്ന അർഹരായ കുട്ടികൾക്ക് ആവശ്യമായ ഉപകരണങ്ങൾ സമഗ്രശിക്ഷാ കേരളയുടെ ആഭിമുഖ്യത്തിൽ വിതരണം ചെയ്യും .
ചിറയിൻകീഴ് താലൂക്ക് ആശുപത്രിയിൽ മുൻ ഡെപ്യൂട്ടി സ്പീക്കറും ചിറയിൻകീഴ്എംഎൽഎയുമായ വി. ശശി ക്യാമ്പ് ഉദ്ഘാടനം ചെയ്തു.
ബ്ലോക്ക് പഞ്ചായത്ത് പ്രസിഡന്റ് പിസി ജയശ്രീയുടെ അദ്ധ്യക്ഷതയിൽ ചേർന്ന യോഗത്തിൽ ജില്ലാ പഞ്ചായത്ത് അംഗം ആർ സുഭാഷ്, ചിറയിൻകീഴ് ഗ്രാമപഞ്ചായത്ത് പ്രസിഡന്റ് മുരളി എസ്സ്. എസ്സ്. കെ, ജില്ലാ പ്രോജക്ട് കോ ഓർഡിറ്റർ ജവാദ്, മെഡിക്കൽ സൂപ്രണ്ട് ഡോ. ഷബ്ന, കണിയാപുരം ബി.ആർ .സി പ്രോഗ്രാം ഓഫീസർ ഉണ്ണികൃഷ്ണൻ, പാറക്കൽ ക്യാമ്പ് കോ – ഓർഡിനേറ്റർ മധുസൂദനക്കുറുപ്പ് തുടങ്ങിയവർ പരിപാടിയിൽ പങ്കെടുത്തു
