ആറ്റിങ്ങൽ: പ്ലസ് ടു പരീക്ഷയിൽ ഫുൾ മാർക്ക് നേടി അഷറഫുൾ ഹക്ക്.എൻ. ആറ്റിങ്ങൽ ഗവൺമെൻറ് മോഡൽ ബോയ്സ് എച്ച്.എസ്.എസ് ആൻഡ് വി.എച്ച്.എസ്.എസ് വിദ്യാർത്ഥിയാണ് അഷ്റഫുൽ ഹക്ക്. ഹ്യൂമാനിറ്റീസ് വിഭാഗത്തിലാണ് ഫുൾ മാർക്കോടെ തിളക്കമാർന്ന വിജയം നേടിയത്.
പ്രൈമറി വിദ്യാഭ്യാസം മുതൽ പൊതുവിദ്യാലയത്തിൽ തന്നെയാണ് ഈ മിടുക്കൻ പഠിച്ചത്. സിവിൽ സർവീസ് ലക്ഷ്യമിടുന്ന ഈ മിടുക്കൻ ഡൽഹി യൂണിവേഴ്സിറ്റിയുടെ ബിരുദ പ്രവേശന പരീക്ഷയ്ക്കുള്ള തയ്യാറെടുപ്പിലാണ്. മുദാക്കൽ ചെമ്പൂർ എ.എ ഹൗസിൽ കെ.എസ്.ഇ.ബി ഓവർസീയർ എച്ച്.നിസാമിന്റെയും പോലീസ് ഓഫീസർ സഫീജയുടെയും മകനാണ്. അഫ്സൽ മുഹമ്മദ് സഹോദരൻ ആണ്.
