ബെല്ഗ്രേഡ്: സെര്ബിയയിലെ ബെല്ഗ്രേഡില് നടന്ന ലോക ഗുസ്തി ചാമ്പ്യന്ഷിപ്പില് വെങ്കല മെഡല് നേടിയതോടെ ലോക ചാമ്പ്യന്ഷിപ്പില് ഒന്നിലധികം മെഡലുകള് നേടുന്ന ആദ്യ ഇന്ത്യന് വനിതാ ഗുസ്തി താരമെന്ന നേട്ടം സ്വന്തമാക്കി വിനേഷ് ഫോഗട്ട്.
ബുധനാഴ്ച നടന്ന വനിതകളുടെ 53 കിലോ ഫ്രീസ്റ്റൈല് വിഭാഗത്തില് യൂറോപ്യന് ചാമ്പ്യന് സ്വീഡന്റെ എമ്മ മാലംഗ്രെനിനെ പരാജയപ്പെടുത്തിയാണ് (8-0) 28-കാരി വിനേഷ് വെങ്കല മെഡല് സ്വന്തമാക്കിയത്. എമ്മയ്ക്കെതിരേ ആധികാരികമായിരുന്നു വിനേഷിന്റെ വിജയം.
