ആറ്റിങ്ങൽ: ആറ്റിങ്ങൽ വക്കം നടരാജൻ സ്മാരക ഗ്രന്ഥശാലയുടേയും കുന്നുവാരം യു.പി.എസിന്റേയും സംയുക്താഭിമുഖ്യത്തിൽ ഐ.വി ദാസ് അനുസ്മരണവും വായനാപക്ഷാചരണത്തിന്റെ സമാപനവും നടത്തി.
ഉദ്ഘാടനം കവിയും സാഹിത്യകാരനും അധ്യാപകനുമായ റ്റി.ആർ ബാലമുരളീ കൃഷ്ണ നിർവഹിച്ചു. ഗ്രന്ഥശാല പ്രസിഡൻ്റ് അഡ്വ. എസ് ലെനിൻ അധ്യക്ഷത വഹിച്ചു. ആശംസകൾ അർപ്പിച്ചു കൊണ്ട് ആറ്റിങ്ങൽ മുനിസിപ്പൽ വികസന സ്റ്റാൻ്റിംഗ് കമ്മിറ്റി ചെയർപേഴ്സൺ എസ് ഷീജ, സ്കൂൾ മാനേജർ എ ശശിധരൻ നായർ, പി.റ്റി.എ പ്രസിഡന്റ് രമ്യ രാജേഷ്, വിദ്യാരംഗം കലാസാഹിത്യ വേദി കൺവീനർ ബി.ജി ഷീജു, ഗ്രന്ഥശാല ഭരണസമിതി അംഗം എസ് സതീഷ് കുമാർ എന്നിവർ സംസാരിച്ചു. സ്കൂൾ ഹെഡ്മിസ്ട്രസ്സ് റീന പി സ്വാഗതവും ഗ്രന്ഥശാല സെക്രട്ടറി എം മുരളീധരൻ നന്ദിയും പറഞ്ഞു.
