ആരോഗ്യം സർവ്വധനാൽ പ്രധാനം എന്ന ലക്ഷ്യത്തോടുകൂടി ആറ്റിങ്ങൽ കേന്ദ്രമാക്കി പ്രവർത്തിക്കുന്ന ഡാൻസ് വിത്ത് മീ ഫിറ്റ്നസ് ട്രെയിനിങ് സെൻ്റർ നാലാം വാർഷികത്തിലേക്ക് കടക്കുകയാണ്. വാർഷിക പൊതുയോഗം ആറ്റിങ്ങൽ എൻഎസ്എസ് കരയോഗം ഹാളിൽ, ഒക്ടോബർ 13ന് വൈകുന്നേരം 3.30 മുതൽ ആരംഭിക്കും. പൊതുയോഗത്തിൽ ഇൻറർനാഷണൽ സുംബ ട്രെയിനർ അശ്വതി എ ജെ യുടെ നേതൃത്വത്തിൽ വൈകുന്നേരം 6.30 മുതൽ 7.00 വരെ അരമണിക്കൂർ നീണ്ടുനിൽക്കുന്ന സുംബ ട്രെയിനിങ് സൗജന്യമായി പൊതുജനങ്ങൾക്ക് വേണ്ടി നടത്തുന്നതാണ്. കൂടാതെ 7.00 മണി മുതൽ 1 മണിക്കൂർ നീണ്ടുനിൽക്കുന്ന ഡി ജെ പാർട്ടിയും (വനിതകൾക്ക്) ഉണ്ടായിരിക്കുന്നതാണ്.
ആറ്റിങ്ങൽ നഗരസഭ ചെയർ പേഴ്സൺ അഡ്വ എസ് കുമാരി പരിപാടി ഉദ്ഘാടനം ചെയ്യും. അധ്യാപകനും സാഹിത്യകാരനുമായ ആറ്റിങ്ങൽ ഉണ്ണി അധ്യക്ഷനാകും. ചടങ്ങിൽ മറ്റു വിശിഷ്ടാതിഥികളും പങ്കെടുക്കും.
