ചിറയിൻകീഴ് അഴൂരിൽ ബാബു (44) എന്ന ആളെയാണ് ആറ്റിങ്ങൽ എക്സൈസ് പിടികൂടി അറസ്റ്റ് ചെയ്തത്. കൊറോണ കാലഘട്ടത്തിൽ വാറ്റുചാരായം വില്പന നടത്തിയതിനു ഇയാളെ ആലപ്പുഴ ജില്ലയിൽ വച്ച് മുൻപ് പോലീസ് പിടികൂടി റിമാൻഡ് ചെയ്തിരുന്നു.
ശ്രീ നാരായണഗുരു സമാധി ദിനത്തിനോടനുബന്ധിച്ചുള്ള ഡ്രൈഡേ പ്രത്യേക സാഹചര്യം കണക്കിലെടുത്ത് ആറ്റിങ്ങൽ എക്സ്സൈസ് സർക്കിൾ ഓഫീസിലെ എക്സ്സൈസ് ഇൻസ്പെക്ടർ രചന സിയും പാർട്ടിയും ചേർന്ന് നടത്തിയ അന്വേഷണത്തിൽ KL 22 B 2061 നമ്പർ ഹോണ്ട ഏവിയേറ്റർ വാഹനത്തിൽ വില്പനയ്ക്കായി കൊണ്ടുവന്ന 49 കുപ്പി മദ്യവും(36.750 ലിറ്റർ), മദ്യം വിറ്റ് കിട്ടിയ പണവും ഇയാളുടെ കൈയിൽ നിന്നും പിടികൂടിയിട്ടുണ്ട്.
