കല്ലമ്പലം: സൗഹൃദ റെസിഡന്റ്‌സ് അസോസിയേഷൻ പ്രദേശത്തെ ജനങ്ങൾക്കായി ആറ്റിങ്ങൽ അഹല്യ കണ്ണാശുപത്രിയും സൗഹൃദ പാലിയേറ്റീവ് കെയർ യൂണിറ്റും തോട്ടയ്ക്കാട് വിജ്ഞാന പോഷിണി ഗ്രന്ഥശാലയും സംയുക്തമായി നടത്തിയ സൗജന്യ നേത്ര പരിശോധനാ ക്യാമ്പ് മണമ്പുർ പഞ്ചായത്ത്‌ മുൻ പ്രസിഡന്റ്‌ ബി വരദരാജൻ ഉത്ഘാടനം ചെയ്തു. ക്യാമ്പിൽ നൂറിൽ അധികം രോഗികൾ പങ്കെടുത്തു. അർഹരായവർക്ക് സൗജന്യ മരുന്നുകളും സൗജന്യ നിരക്കിൽ കണ്ണടകളും വിതരണം ചെയ്തു.
തിമിര ശസ്ത്രക്രിയ ആവശ്യമുണ്ടെന്നു കണ്ടെത്തിയവർക്ക് ഇൻഷുറൻസ് പരിരക്ഷയോടെ തുടർചികിത്സയ്ക്ക് ഉള്ള സംവിധാനം നിർദേശിക്കുകയും ചെയ്തു. അഹല്യ ഫൌണ്ടേഷൻ ഡോക്ടർ വിഷ്ണു സോമരജ് പിള്ളയുടെ നേതൃത്വത്തിലുള്ള ആറംഗ ടീം പരി ശോധനകൾ നിർവഹിച്ചു.
സൗഹൃദ റെസിഡന്റ്‌സ് അസോസിയേഷൻ ഭാരവാഹികളായ ജി. രാധാകൃഷ്ണ കുറുപ്പ്, ഖാലിദ് പനവിള, എ.സൈനുലാബ്ദീൻ, അറഫ റാഫി, സോമശേഖരൻ നായർ, സതീഷ് കുമാർ, ഹസീന, ലിജി, റജുല, നജീമ എന്നിവർ ക്യാമ്പിന് നേതൃത്വം നൽകി.
