ഇന്ത്യൻ നാഷണൽ കോൺഗ്രസ് പെരുങ്ങുഴി മണ്ഡലം കമ്മിറ്റിയുടെ ആഭിമുഖ്യത്തിൽ മഹാത്മാ ഗാന്ധിയുടെ നൂറ്റി അമ്പത്തി അഞ്ചാം ജന്മവാർഷികവും, എ.ഐ സി.സി പ്രസിഡൻ്റായി ഗാന്ധിജി സ്ഥാനമേറ്റതിൻ്റെ നൂറാം വാർഷികവും വിപുലമായ പരിപാടികളോടെ ആചരിച്ചു.
മണ്ഡലത്തിലെ പന്ത്രണ്ട് കേന്ദ്രങ്ങളിൽ ഗാന്ധിജി അസ്മരണ സമ്മേളനവും പതാക ഉയർത്തലും നടന്നു. പെരുങ്ങുഴി ജംഗ്ഷനിൽ നടന്ന മണ്ഡലം തല അനുസ്മരണ പരിപാടി ഡി.സി.സി ജനറൽ സെക്രട്ടറി അഡ്വ. എസ്. കൃഷ്ണകുമാർ ഉദ്ഘാടനം ചെയ്തു. ഗ്രാമപഞ്ചായത്തംഗം ബി. മനോഹരൻ പതാക ഉയർത്തി. മണ്ഡലം പ്രസിഡൻ്റ് എ.ആർ നിസാർ അദ്ധ്യക്ഷത വഹിച്ച യോഗത്തിൽ കോൺഗ്രസ് നേതാക്കളായ കെ. ഓമന, മാടൻവിള നൗഷാദ്, എ.കെ ശോഭനദേവൻ, എം.കെ ഷാജഹാൻ, എം.ഷാബുജാൻ, എസ്. സുരേന്ദ്രൻ, ജനകലത, ബോസ്, എസ്.ജി അനിൽ കുമാർ, രാജൻ കൃഷ്ണപുരം, തുടങ്ങിയവർ പങ്കെടുത്തു.
