ഗ്യാസ് ലോറി നിയന്ത്രണം വിട്ട് വീട്ടിലേക്ക് ഇടിച്ചു കയറി

ആറ്റിങ്ങൽ: ആറ്റിങ്ങൽ വെഞ്ഞാറമൂട് റോഡിൽ ഇളമ്പ തടം ജംഗ്ഷനിൽ ഗ്യാസ് ലോറി നിയന്ത്രണം വിട്ട് വീടിനു സമീപത്തേക്കു ഇടിച്ചുകയറി. വൈകുന്നേരം നാല് മണിക്കാണ് അപകടം നടന്നത്. ആറ്റിങ്ങലിൽ നിന്നും വെഞ്ഞാറമൂട് ഭാഗത്തേക്ക് ഗാർഹിക ഗ്യാസ് സിലിണ്ടറുമായി പോയ ഭാരത് ഗ്യാസിന്റെ ലോറിയാണ് നിയന്ത്രണം വിട്ടത്. വലതുവശത്തെ മതിൽ തകർത്തതിന് ശേഷം വീട്ടിലേക്ക് ഇടിച്ചുകയറുകയായിരുന്നു. വീടിൻറെ ഒരുവശം ഭാഗികമായി തകർന്നു. കാലി സിലിണ്ടറുകളായിരിന്നു വാഹനത്തിൽ എന്നതാണ് പ്രാഥമിക വിവരം. ആർക്കും അപകടമില്ല. രക്ഷാപ്രവർത്തനത്തിനായി ഫയർ ഫോഴ്സ് സംഭവസ്ഥലത്തെത്തി മേൽനടപടികൾ കൈക്കൊണ്ടു.