തിരുവനന്തപുരത്ത് സ്വർണക്കട ഉടമയിൽ നിന്ന് രണ്ട് കിലോ​ഗ്രാം സ്വ‌‍ർണം കവർന്നു

തിരുവനന്തപുരം : തിരുവനന്തപുരത്ത് സ്വർണക്കട ഉടമയിൽ നിന്ന് രണ്ട് കിലോ​ഗ്രാം സ്വർണം കവർന്നു. തിരുവനന്തപുരം ചാലാ മാർക്കറ്റിനുള്ളിലിലെ വൈഷ്ണവി ജ്വലറി ഉടമയിൽ നിന്നുമാണ് രണ്ട് കിലോ​ഗ്രാം സ്വർണം കവർന്നത്. കടയടച്ച് വീട്ടിലേക്ക് പോകുന്ന വഴിയാണ് സ്വർണം കവർന്നത്.
ഇരുചക്ര വാഹനത്തിൽ എത്തിയ രണ്ടു പേരാണ് കവർച്ച നടത്തിയത്. ഇന്നലെ അർധരാത്രി 12 മണിയോടെയാണ് സംഭവം. ചാല മാർക്കറ്റിനുള്ളിൽ വെച്ച് തന്നെയായിരുന്നു കവർച്ച. സംഭവത്തിൽ പൊലീസ് അന്വേഷണം തുടരുകയാണ്.