അനാവശ്യമായി ഹോണ് മുഴക്കുന്നവര്ക്ക് പിഴ മുന്നറിയിപ്പുമായി കേരളാ പൊലീസ്
അനാവശ്യമായി ഹോണ് മുഴക്കിയാല് ഇനി പണി കിട്ടും. മുന്നറിയിപ്പുമായി കേരള പൊലീസ് രംഗത്തെത്തിരിക്കുകയാണ്. അനാവശ്യമായി ഹോണ് മുഴക്കുന്നവരില് നിന്ന് 1000 രൂപ പിഴയായി ഈടാക്കുമെന്നും കുറ്റം ആവര്ത്തിച്ചാല് 2000 രൂപ ഈടാക്കുമെന്നും അറിയിച്ചു.
ഹോണ് നീട്ടിമുഴക്കിയില്ലെങ്കില് എന്തോ കുറവു പോലെയാണ് ചിലര്ക്കെന്നും അടിയന്തിര സാഹചര്യങ്ങളില് മുന്നറിയിപ്പ് നല്കുന്നതിന് മാത്രമാണ് ഹോണ് ഉപയോഗിക്കേണ്ടതെന്നും കേരള പൊലീസിന്റെ ഔദ്യോഗിക ഫെയ്സ്ബുക്ക് പേജില് കുറിച്ചു. ചിലര് തുടര്ച്ചയായി ഹോണ് മുഴക്കുന്നു. തുടര്ച്ചയായി മുഴങ്ങുന്ന ഹോണ് മൂലം വാഹനമോടിക്കുന്ന പ്രായമുള്ളവരില് പെട്ടെന്ന് എന്ത് ചെയ്യണം എന്നറിയാതെ ഭയപ്പാടിലാകുന്ന അവസ്ഥയും ഉണ്ടാകുന്നു.
