കൊല്ക്കത്ത: ഈ സീസണിലെ ഐപിഎല് പോരാട്ടങ്ങള് മാര്ച്ച് 22 മുതല് അരങ്ങേറുമെന്ന് റിപ്പോര്ട്ട്. ഉദ്ഘാടന മത്സരം കൊല്ക്കത്ത ഈഡന് ഗാര്ഡന്സിലായിരിക്കും അരങ്ങേറുക. ഫൈനല് പോരാട്ടം മെയ് 25നായിരിക്കും. കലാശപ്പോരിനും ഈഡന് ഗാര്ഡന്സ് തന്നെ വേദിയാകും.
ഉദ്ഘാടന പോരാട്ടത്തില് നിലവിലെ ചാംപ്യന്മാരായ കൊല്ക്കത്ത നൈറ്റ് റൈഡേഴ്സ്- റോയല് ചലഞ്ചേഴ്സ് ബംഗളൂരുവുമായി ഏറ്റുമുട്ടും. 23ന് രണ്ടാം പോരാട്ടത്തില് സണ്റൈസേഴ്സ് ഹൈദരാബാദ്- രാജസ്ഥാന് റോയല്സുമായി ഏറ്റുമുട്ടും. ഒന്നാം ക്വാളിഫയര്, എലിമിനേറ്റര് പോരാട്ടങ്ങള്ക്ക് ഹൈദരാബാദാണ് വേദിയാകുക. രണ്ടാം ക്വാളിഫയറും ഫൈനലും കൊല്ക്കത്തയിലും അരങ്ങേറും.
അതേസമയം തീയതി, സമയക്രമം സംബന്ധിച്ചു ബിസിസിഐ സ്ഥിരീകരണം വന്നിട്ടില്ല. ചില നിര്ണായക മത്സരങ്ങളുടെ സമയക്രമം ഫ്രാഞ്ചൈസി ഉടമകള്ക്ക് കൈമാറിയതായി വിവരമുണ്ട്.
