കലാമൂല്യവും സാമൂഹിക പ്രതിബദ്ധതയുമുള്ള ചിത്രങ്ങളൊരുക്കി ശ്രദ്ധേയനായ പി.കെ ബിജു രചനയും സംവിധാനവും നിർവഹിച്ച ‘കണ്ണാളൻ’ ഈ വരുന്ന 17 ന് ആറു ഒടിടി പ്ളാറ്റുഫോമിലൂടെ പ്രേക്ഷകരിലെത്തും. നീസ്ട്രീം, സൈന, ഫസ്റ്റ്ഷോസ്, ഹൈഹോപ്സ്, തീയേറ്റർ പ്ലേ, ലൈയിം ലൈറ്റ് എന്നീ പ്ലാറ്റ്ഫോമുകളിലാണ് റിലീസ് ചെയ്യുന്നത്.
സമൂഹത്തിൽ ഒറ്റപ്പെട്ടുപോകുന്ന മനുഷ്യരുടെ നിസ്സഹായതയും വെല്ലുവിളികളും ഒരു പത്ര പ്രവർത്തകന്റെ ജീവിതത്തിലൂടെ വെള്ളിത്തിരയിലെത്തിക്കുന്ന ചിത്രമാണ് കണ്ണാളൻ. വാർത്തമാനകാല യഥാർഥ്യങ്ങളോട് പടപൊരുതുന്ന ഒരു പത്രപ്രവർത്തകന്റെ സംഘർഷഭരിതമായ ജീവിതമാണ് ചിത്രത്തിന്റെ ഇതിവൃത്തം. ഇന്നത്തെ സോഷ്യൽ പൊളിറ്റിക്സും കൂടി ചിത്രം വരച്ചു കാട്ടുന്നുണ്ട്.
സ്വന്തം ജീവിതംകൊണ്ട് കലഹിക്കുന്ന ഒരു മനുഷ്യന്റെ അതിജീവനത്തിന്റെ കഥകൂടി ചിത്രം പറയുന്നുണ്ടെന്നു സംവിധായകൻ കൂട്ടി ചേർത്തു. വലിയ താരനിരയില്ലെങ്കിലും കരുത്തുറ്റ കഥയിലൂടയും കഥാപാത്രങ്ങളിലൂടെയും പ്രേഷകമനസ്സിൽ എന്നും നിൽക്കുന്ന ചിത്രമാണ് കണ്ണാളൻ. പാലക്കാട്, കുന്നത്തൂർ, ആലത്തൂർ എന്നീ പ്രദേശങ്ങളിലായിരുന്നു ചിത്രത്തിന്റെ ചിത്രീകരണം.
