കേരള ബാങ്ക് വെഞ്ഞാറമൂട് സോണിന്റെ വായ്പമേള പോത്തൻകോട് എസ്എൻഡിപി ഹാളിൽ നടന്നു.ചടങ്ങിൽ കേരള ബാങ്ക് ഡയറക്ടർ അഡ്വ. എസ് ഷാജഹാൻ ഉദ്ഘാടനം ചെയ്തു. കേരള ബാങ്ക് റീജിയണൽ മാനേജർ ജി സുരേഷ് കുമാർ അധ്യക്ഷത വഹിച്ചു. ഡെപ്യൂട്ടി ജനറൽ മാനേജർ മായ.വി ഏരിയ മാനേജർ റഹീന ബീവി എന്നിവർ സംസാരിച്ചു. വായ്പമേളയിൽ 200ലധികം വ്യത്യസ്ത വായ്പകളിലായി 14 കോടി രൂപ വിതരണം ചെയ്തു. മേളയിൽ ഏറ്റവും അധികം രൂപ വായ്പ നൽകിയ മംഗലാപുരം ശാഖയ്ക്ക് പ്രത്യേക ഉപഹാരവും നൽകി. രണ്ടും മൂന്നും സ്ഥാനങ്ങൾ യഥാക്രമം വെമ്പായം ശാഖയും കാരേറ്റ് ശാഖയും നേടി.
