സംസ്ഥാനത്ത് സ്വര്ണവില കുറഞ്ഞു. പവന് 200 രൂപ കുറഞ്ഞ് വില 50,200 ലെത്തി. ഒരു ഗ്രാം സ്വര്ണത്തിന് 25 രൂപ കുറഞ്ഞ് 6275 രൂപയിലെത്തി. റെക്കോര്ഡുകള് ഭേദിച്ച് മുന്നേറുന്ന സ്വര്ണവില ഇന്നലെ 50,000 കടന്നു പവന് വില 50,400 രൂപയിലെത്തിയിരുന്നു.
ആഗോള വിപണിയിലെ സാഹചര്യങ്ങളാണ് സ്വര്ണവിലയില് പ്രതിഫലിച്ചത്. സുരക്ഷിത നിക്ഷേപം എന്ന നിലയില് സ്വര്ണത്തിലേക്ക് കൂടുതല് പേര് എത്തുന്നതാണ് വില ഉയരാന് കാരണമെന്ന് വിദഗ്ധര് പറയുന്നു.
ഈ മാസത്തിന്റെ തുടക്കത്തില് 46,320 രൂപയായിരുന്നു സ്വര്ണവില. മൂന്നാഴ്ചയ്ക്കിടെ 3000 രൂപയിലധികം വര്ധിച്ച് 21ന് 49,440 രൂപയായി ഉയര്ന്ന് റെക്കോര്ഡ് ഇട്ടതാണ് ഇതിന് മുന്പത്തെ ഉയര്ന്ന വില. തുടര്ന്നുള്ള ദിവസങ്ങളില് വില താഴ്ന്ന് 49,000ല് താഴെ എത്തിയ ശേഷം വീണ്ടും ഉയര്ന്നിരുന്നു
