കെപിഎസ്ടിഎ ആറ്റിങ്ങൽ ഉപജില്ലാ കമ്മിറ്റി പ്രതിഷേധ ദിനം ആചരിച്ചു

കുട്ടികൾക്കുള്ള ഉച്ചഭക്ഷണത്തിനുള്ള തുക വർധിപ്പിക്കുക, അധ്യാപക വിദ്യാർഥി അനുപാതം 1:40 പുനസ്ഥാപിക്കുക, പ്രൈമറി ഹെഡ്മാസ്റ്റർമാർക്ക് എച്ച്.എം. സ്കെയിൽ അനുവദിക്കുക, 11% ഡി.എ. അനുവദിക്കുക, സ്റ്റാറ്റ്യൂട്ടറി പെൻഷൻ പുനസ്ഥാപിക്കുക
എന്നീ ആവശ്യങ്ങൾ ഉന്നയിച്ചുകൊണ്ട് ആറ്റിങ്ങൽ ഉപജില്ലാ കമ്മിറ്റി പ്രതിഷേധ ദിനം ആചരിച്ചു.

ഉപജില്ലാ പ്രസിഡന്റ് റ്റി.യു സഞ്ജീവിന്റെ അധ്യക്ഷതയിൽ കൂടിയ യോഗത്തിൽ സംസ്ഥാന നിർവ്വാഹക സമിതിയംഗം ആർ.ശ്രീകുമാർ പ്രതിഷേധ സദസ്സ് ഉദ്ഘാടനം ചെയ്തു. സ്കൂളുകളിൽ അധ്യാപകർ ബാഡ്ജ് ധരിച്ച് പ്രതിഷേധിച്ചു. സെൽ കൺവീനർ ഒ.ബി. ഷാബു, വിദ്യാഭ്യാസ ജില്ലാ സെക്രട്ടറി സി.എസ്. വിനോദ്, ഉപജില്ലാ സെക്രട്ടറി പി. രാജേഷ്, ഉപജില്ലാ കമ്മിറ്റി അംഗങ്ങളായ ആർ.എസ്.ലിജിൻ, സി.എസ്. പത്മശ്രീ, ആർ.എ.അനീഷ് തുടങ്ങിയവർ സംസാരിച്ചു.