തിരുവനന്തപുരം: കേരളത്തെ ലോകത്തിനു മുന്നില് അവതരിപ്പിക്കുക എന്ന ലക്ഷ്യത്തോടെ ഈ വര്ഷം മുതല് ആരംഭിക്കുന്ന ബൃഹദ് പരിപാടി കേരളീയത്തിന് തുടക്കം. 41 വേദികളിലായി ഏഴു ദിവസം നീളുന്ന ആഘോഷമാണ് തലസ്ഥാനനഗരിയില് നടക്കുന്നത്. പരിപാടിയില് നിന്ന് പ്രതിപക്ഷം വിട്ടുനിന്നു
റവന്യൂ- ഭവനനിര്മ്മാണവകുപ്പ് മന്ത്രി കെ രാജന് അധ്യക്ഷനായ ചടങ്ങില് ധനകാര്യ വകുപ്പ് മന്ത്രിയും കേരളീയം സ്റ്റിയറിംഗ് കമ്മിറ്റി അധ്യക്ഷനുമായ കെഎന് ബാലഗോപാല് ആമുഖപ്രഭാഷണം നടത്തി. സ്പീക്കര് എഎന് ഷംസീര് കേരളീയം ബ്രോഷര് പ്രകാശനം ചെയ്തു. മന്ത്രിമാരായ റോഷി അഗസ്റ്റിന്, കെ കൃഷ്ണന്കുട്ടി, എകെ ശശീന്ദ്രന്, അഹമ്മദ് ദേവര്കോവില്,ആന്റണി രാജു, ചലച്ചിത്ര നടന്മാരായ കമലഹാസന്, മമ്മൂട്ടി, മോഹന്ലാല്,ചലച്ചിത്ര നടി ശോഭന, യുഎഇ അംബാസഡര് അബ്ദുല് നാസര് ജമാല് അല് ശാലി, ദക്ഷിണകൊറിയന് അംബാസഡര് ചാങ് ജെ ബോക്, ക്യൂബന് എംബസി പ്രതിനിധി മലേന റോജാസ് മദീന, നോര്വേ അംബാസഡര് മെയ് എലന് സ്റ്റൈനര്,റിട്ട. ജസ്റ്റിസ് കെ.ജി. ബാലകൃഷ്ണന്,എം.എ.യൂസഫലി,രവി പിള്ള, ഡോ.എംവി പിള്ള എന്നിവരും വേദിയിലെത്തി.
