കുവൈറ്റ് സിറ്റി: കുവൈറ്റിലെ മംഗഫിൽ ലിഫ്റ്റിൽ കുടുങ്ങി മലയാളി യുവാവ് മരിച്ചു. മലപ്പുറം ചമ്രവട്ടം സ്വദേശി തെക്കേവളപ്പിൽ മുഹമ്മദ് ഫാസിൽ (ഷാഫി–37) ആണ് മരിച്ചത്.
ബഖാല (ഗ്രോസറി) ജീവനക്കാരനായ ഇദ്ദേഹം സാധനങ്ങൾ വീടുകളിൽ എത്തിക്കാനായി കയറിയ ലിഫ്റ്റിന്റെ പ്രവർത്തനം നിലച്ചതാണ് അപകടത്തിനു കാരണം.അഗ്നിരക്ഷാസേന എത്തിയപ്പോഴേക്കും മരിച്ചിരുന്നു.
മുഹമ്മദ് കുട്ടിയുടെയും ഉമ്മാച്ചുവിന്റെയും മകനാണ്. ഭാര്യ: ഖമറുന്നീസ, മക്കൾ: ഷാമിൽ, ഷഹ്മ, ഷാദിൽ. മൃതദേഹം നാട്ടിലെത്തിക്കാൻ ശ്രമം നടത്തുന്നുണ്ട്.
