ആറ്റിങ്ങൽ: ആറ്റിങ്ങൽ ലയൺസ് ക്ലബ്ബ്, കുന്നുവാരം യു.പി.സ്കൂളിൽ സാമ്പത്തികമായി പിന്നോക്കം നിൽക്കുന്നതും, പഠനത്തിൽ മുന്നോക്കം നിൽക്കുന്ന കുട്ടികൾക്കായി നോട്ട് ബുക്കുകളും മാസ്ക്കും നൽകി. ക്ലബ്ബിൻ്റെ അഡ്മിനിസ്ട്രേറ്റർ എഞ്ചിനിയർ രവീന്ദ്രൻ നായർ നോട്ട് ബുക്കുകൾ വാർഡ് കൗൺസിലറും നഗരസഭാ വികസന കാര്യ സ്റ്റാൻ്റിംഗ് കമ്മിറ്റി ചെയർപേഴ്സണുമായ ഷീജ.എസിന് നൽകി ഉത്ഘാടനം ചെയ്തു. ചടങ്ങിൽ ക്ലബ്ബ് പ്രസിഡൻ്റ് വിദ്യാധരൻ പിള്ള, സെക്രട്ടറി കബീർദാസ്, ട്രഷറർ അനിൽകുമാർ, ഹെഡ്മാസ്റ്റർ മധു.ജി ആർ, അദ്ധ്യാപകർ തുടങ്ങിയവർ പങ്കെടുത്തു.
