ഡല്ഹി:സ്വാതന്ത്ര്യദിനാഘോഷത്തിന്റെ ഭാഗമായി പെട്രോളിയം മന്ത്രാലയം പുറത്തിറക്കിയ പോസ്റ്ററില് മഹാത്മ ഗാന്ധിക്ക് മുകളില് സവര്ക്കറുടെ ചിത്രം. സ്വാതന്ത്ര്യദിന പോസ്റ്ററിനെതിരെ വിമര്ശനവുമായി കോണ്ഗ്രസ് ഉള്പ്പടെയുള്ള രാഷ്ട്രീയ പാര്ട്ടികള് രംഗത്തെത്തി. ‘സ്വാതന്ത്ര്യം അവരുടെ പോരാട്ടമായിരുന്നു. ഭാവിക്ക് രൂപം നല്കുക നമ്മുടെ ലക്ഷ്യമാണെന്ന് പോസ്റ്ററില് പറയുന്നു.
‘രാജ്യം സ്വാതന്ത്ര്യം ആഘോഷിക്കുമ്പോള് നമുക്ക് ഒരു കാര്യം സ്മരിക്കാം. ഐക്യത്തിലൂടെയും സഹാനുഭൂതിയിലൂടെയും പ്രവൃത്തിയിലൂടെയും സ്വാതന്ത്ര്യത്തെ പരിപോഷിപ്പിക്കാം. എങ്കില് മാത്രമേ അത് കൂടുതല് കരുത്താര്ജിക്കൂ. സ്വാതന്ത്ര്യദിനാശംസകള്’- എന്നു പറഞ്ഞാണ് പെട്രോളിയം മന്ത്രാലയം പോസ്റ്റര് പങ്കുവച്ചത്. പോസ്റ്ററില് ഏറ്റവും മുകളിലാണ് സവര്ക്കറുടെ ചിത്രം. അതിന് താഴെ മഹാത്മാ ഗാന്ധി, സുഭാഷ് ചന്ദ്രബോസ്, ഭഗത് സിങ് എന്നിവരാണ് ഉള്ളത്.
