ഒക്ടോബറിൽ എൻ ആർ ഇ ജി വർക്കേഴ്സ് യൂണിയന്റെ നേതൃത്വത്തിൽ തൊഴിലുറപ്പ് തൊഴിലാളികൾ രാജ് ഭവനിലേക്ക് മാർച്ചും ധർണയും നടത്തും

തൊഴിലുറപ്പ് പദ്ധതി സംരക്ഷിക്കുക, തൊഴിലുറപ്പ് പദ്ധതിയെ തകർക്കുന്ന കേന്ദ്രസർക്കാർ ഉത്തരവുകൾ പിൻവലിക്കുക, ഒരേ സമയം പഞ്ചായത്തുകളിൽ 20 വർക്കുകൾ മാത്രമേ പാടുള്ളൂ എന്ന് നിബന്ധന പിൻവലിക്കുക, തൊഴിൽ ദിനങ്ങൾ 200 ആക്കുക,
വേതനം 600 രൂപയാക്കി വർദ്ധിപ്പിക്കുക, നഗര തൊഴിലുറപ്പ് പദ്ധതി ആരംഭിക്കുക, കൃഷിയും ക്ഷീര വികസനവും പദ്ധതിയിൽ ഉൾപ്പെടുത്തുക എന്നീ ആവശ്യങ്ങൾ ഉന്നയിച്ചുകൊണ്ട് ഒക്ടോബർ 12ന് എൻ ആർ ഇ ജി വർക്കേഴ്സ് യൂണിയന്റെ നേതൃത്വത്തിൽ തൊഴിലുറപ്പ് തൊഴിലാളികൾ രാജ് ഭവനിലേക്ക് മാർച്ചും ധർണയും നടത്തുന്നു.
രാജ്ഭവൻ മാർച്ചിൽ ആറ്റിങ്ങൽ ഏരിയയിൽ നിന്നും 10000 തൊഴിലാളികളെ പങ്കെടുപ്പിക്കുവാൻ ഏരിയ കമ്മിറ്റി യോഗം തീരുമാനിച്ചു. യോഗത്തിൽ ജില്ലാ പ്രസിഡന്റ് അഡ്വ.ഷൈലജ ബീഗം പങ്കെടുത്തു.