കടവിള റസിഡൻസ് അസോസിയേഷനും, തിരുവനന്തപുരം റീജണൽ ക്യാൻസർ സെന്ററും സംയുക്തമായി 2022 ഡിസംബർ 14 ന് സൗജന്യ ക്യാൻസർ പരിശോധന ക്യാമ്പ് സംഘടിപ്പിച്ചു. ക്യാമ്പിൽ വായിലെ ക്യാൻസർ, ഗർഭാശയ ഗള ക്യാൻസർ, സ്താനാർബുദം തുടങ്ങിയ രോഗങ്ങൾ പരിശോധിച്ചു നിർണ്ണയിച്ചു.
കെ ആർ എ വൈസ് പ്രസിഡന്റ് കെ രാജീവിന്റെ അധ്യക്ഷതയിൽ ചേർന്ന യോഗത്തിൽ നഗരൂർ ഗ്രാമപഞ്ചായത്ത് വൈസ് പ്രസിഡന്റ് അബി ശ്രീരാജ് ക്യാമ്പ് ഉദ്ഘാടനം ചെയ്തു. റീജണൽ ക്യാൻസർ സെന്റർ ഓങ്കോളജി വിഭാഗം അസോസിയേറ്റ് പ്രൊഫസർ ഡോക്ടർ കലാവതി ക്യാമ്പിൽ പങ്കെടുത്തവർക്ക് ബോധവൽക്കരണ ക്ലാസ് നൽകി. കെ ആർ എ സെക്രട്ടറി ജി.രജിത് കുമാർ സ്വാഗതം പറഞ്ഞു. എക്സിക്യൂട്ടീവ് അംഗങ്ങളായ എസ്. ജെ.സുശീല, അഷറഫ്, സുദർശനൻ, സുരേഷ് ബാബു തുടങ്ങിയവർ സംസാരിച്ചു.
