ആറ്റിങ്ങലിലെ മുദ്രപത്രക്ഷാമത്തിനു പരിഹാരമായി e സ്റ്റാമ്പ്‌ പേപ്പർ നിലവിൽ വന്നു

ആറ്റിങ്ങൽ: കഴിഞ്ഞ കുറച്ചു മാസക്കാലമായി ആറ്റിങ്ങൽ സബ് ട്രഷറിയുടെ കീഴിൽ കുറഞ്ഞ മുദ്രവിലയുള്ള 10,20,50,100,500 മുദ്രപത്രങ്ങൾ കിട്ടാനില്ലായിരുന്നു. ഇതുമൂലം സ്കൂൾ സർട്ടിഫിക്കുകൾക്കും, കരാറുകൾ എഴുതുന്നതിനും, പഞ്ചായത്ത്, മുൻസിപ്പാലിറ്റി ലൈസൻസുകൾക്കും, വിദേശരാജ്യങ്ങളിലെ എംബസി മുഖാന്തരം സാക്ഷ്യപ്പെടുത്തി വരേണ്ട മുദ്രപത്രങ്ങൾക്ക് വേണ്ടി ജനങ്ങൾ നെട്ടോട്ടമായിരുന്നു. ഈ വിഷയത്തിന് പരിഹാരമായി കൊണ്ട് ആറ്റിങ്ങലിൽ e സ്റ്റാമ്പ്‌ സംവിധാനം നിലവിൽ വന്നു. ഇനി ആവശ്യക്കാരന് ഏത് തുകയുടെ മുദ്രപത്രമായാലും ആറ്റിങ്ങലിലെ വെണ്ടർ ഓഫീസിൽ നിന്ന് ലഭിക്കും. ആദ്യ ദിവസങ്ങളിൽ e സ്റ്റാമ്പ്‌ പത്രം ഒരാൾക്ക് ലഭിക്കാൻ 5 മുതൽ 10 മിനിറ്റ് വരെ സമയമെടുക്കും എന്ന് ആറ്റിങ്ങലിലെ സ്റ്റാമ്പ്‌ വെണ്ടർമാർ അറിയിച്ചു.