ആറ്റിങ്ങൽ: ‘ധാർമിക ജീവിതം സുരക്ഷിത സമൂഹം’ എന്ന പ്രമേയത്തിൽ സംസ്ഥാന വ്യാപകമായി നടക്കുന്ന മണ്ഡലം സമ്മേളനങ്ങളുടെ ഭാഗമായി വിസ്ഡം ഇസ്ലാമിക് ഓർഗനൈസേഷൻ ആറ്റിങ്ങൽ മണ്ഡലം കമ്മിറ്റിയുടെ ആഭിമുഖ്യത്തിൽ ആറ്റിങ്ങൽ മണ്ഡലം മുജാഹിദ് സമ്മേളനം സംഘടിപ്പിച്ചു.
ആലംകോട് ജംഗ്ഷനിൽ സംഘടിപ്പിച്ച സമ്മേളനം വിസ്ഡം തിരുവനന്തപുരം ജില്ലാ പ്രസിഡന്റ് പ്രൊ.അബ്ദുറഷീദ് ഉദ്ഘാടനം ചെയ്തു. വിസ്ഡം ആറ്റിങ്ങൽ മണ്ഡലം സെക്രട്ടറി മാഹീൻകുട്ടി അധ്യക്ഷനായി.
‘മുഹമ്മദ് നബി (സ) മാനവരിൽ മഹോന്നതൻ ‘ എന്ന വിഷയത്തിൽ വിസ്ഡം സ്റ്റുഡന്റസ് സംസ്ഥാന പ്രസിഡന്റ് അർശദ് അൽഹികമി താനൂർ ആമുഖപ്രഭാഷണം നടത്തി. ‘ധാർമിക ജീവിതം , സുരക്ഷിത സമൂഹം ‘ എന്ന വിഷയത്തിൽ സമ്മേളന പ്രമേയം അവതരിപ്പിച്ച് ശിഹാബ് എടക്കര മുഖ്യപ്രഭാഷണം നടത്തി. പാലാംകോണം സലഫി മസ്ജിദ് ഇമാം അൽ അമീൻ മൂന്നാറ്റ്മുക്ക്, വിസ്ഡം യൂത്ത് ജില്ലാ വൈസ് പ്രസിഡന്റ് ജമീൽ പാലാംകോണം, വിസ്ഡം യൂത്ത് ആറ്റിങ്ങൽ മണ്ഡലം പ്രസിഡന്റ് റാഫി തുടങ്ങിയവർ സംസാരിച്ചു.
