നെഹ്റു യുവകേന്ദ്രയുടെയും നൈപുണ്യവികസന സംരംഭകത്വ മന്ത്രാലയത്തിന്റെയും സംയുക്താഭിമുഖ്യത്തിൽ സംഘടിപ്പിച്ച തൊഴിൽമേള ശിവഗിരി ഹയർസെക്കൻഡറി സ്കൂളിൽ കേന്ദ്രമന്ത്രി വി.മുരളീധരൻ ഉദ്ഘാടനം ചചെയ്തു. 60 ഓളം സ്വകാര്യസ്ഥാപനങ്ങൾ മേളയിൽ പങ്കെടുത്തു. 5000 തൊഴിൽ അവസരങ്ങൾ ലഭ്യമാക്കുകയാണ് മേളയുടെ ലക്ഷ്യം. പി.എം.ഇ.ജി.പി, മുദ്രലോൺ, സ്റ്റാർട്ട്അപ് പദ്ധതികൾ, പ്രധാനമന്ത്രി വിശ്വകർമ്മയോജന, തെരുവോര കച്ചവടക്കാർക്കുള്ള നിധി എന്നീ പദ്ധതികളെക്കുറിച്ചുള്ള ശില്പശാലയും നടക്കും. ഖാദി വില്ലേജ് ഇൻഡസ്ട്രീസ് കമ്മിഷൻ, ലീഡ് ബാങ്ക്, ഫാർമേഴ്സ് പ്രൊഡ്യൂസേഴ്സ് ഓർഗനൈസേഷൻ എന്നീ സ്ഥാപനങ്ങൾ നേതൃത്വം നൽകി. 4000 ത്തോളം ഉദ്യോഗാർത്ഥികൾ മേളയിൽ പങ്കെടുത്തു.
