ചിറയിൻകീഴ്: നവകേരളസദസ്സ് പ്രചരണാർത്ഥം ചിറയിൻകീഴ് മണ്ഡലത്തിൽ നടക്കുന്ന വിവിധ പരിപാടികളുടെ ഭാഗമായി അഴൂർ ഗ്രാമപ്പഞ്ചായത്ത് കമ്യൂണിറ്റി ഹാളിൽ ക്ഷീരകർഷക സംഗമവും, സെമിനാറും ക്ഷീരസമൃദ്ധ കാർഷിക പ്രദർശനവും നടന്നു. അഴൂർ ഗ്രാമപ്പഞ്ചായത്ത് പ്രസിഡന്റ് ആർ.അനിലിൻ്റെ അധ്യക്ഷതയിൽ എം.എൽ.എ വി.ശശി ഡയറി ഡേ ഉദ്ഘാടനം ചെയ്തു.
ജില്ലാ പഞ്ചായത്ത് സ്ഥിരം സമിതി ചെയർമാൻ എം.ജലീൽ, ജില്ലാ പഞ്ചായത്ത് മെമ്പർ ആർ.സുഭാഷ്, പെരുങ്ങുഴി ക്ഷീര സംഘം പ്രസിഡന്റ് ആർ.ആർ.പരമേശ്വരൻ, നവകേരള സദസ്സ് പബ്ലിസിറ്റി ചെയർമാൻ മനോജ് ബി.ഇടമന, മൃഗ സംരക്ഷണ വകുപ്പ് എ.പി.ഒ അനു തുടങ്ങിയവർ ആശംസകളർപ്പിച്ചു. ക്ഷീരകർഷകർ നേരിടുന്ന കാർഷിക പ്രശ്നങ്ങൾ എന്ന വിഷയത്തിൽ വിദഗ്ദ്ധ ഡോക്ടർമാരുടെ നേതൃത്വത്തിൽ സെമിനാറും നടന്നു. നവകേരള സദസ്സിലേക്കുള ക്ഷീര കർഷകരുടേതായ പരാതികൾ അതാത് പ്രദേശത്തെ ക്ഷീരസംഘങ്ങളിൽസമർപ്പിക്കാമെന്ന് എം.എൽ.എ വി.ശശി അറിയിച്ചു.
