കുവൈറ്റ് സിറ്റി: കേരള പ്രസ് ക്ലബ് കുവൈറ്റിന്റെ രണ്ടാമത് ഗഫൂര് മൂടാടി മെമ്മോറിയല് പ്രസ് ഫോട്ടോ പുരസ്കാരം ദി ന്യൂ ഇന്ത്യന് എക്സ്പ്രസ് കൊച്ചി ബ്യൂറോ പ്രിന്സിപ്പല് ന്യൂസ് ഫോട്ടോഗ്രാഫര് എ സനേഷിന്. 50,000 രൂപയും പ്രശസ്തിപത്രവും ഫലകവും അടങ്ങുന്നതാണ് പുരസ്കാരം.
പ്രമുഖ ഛായാഗ്രാഹകനും സംവിധായകനുമായ എന് അളഗപ്പന്, മിഡില് ഈസ്റ്റിലെ പ്രമുഖ ഫോട്ടോ ജേര്ണലിസ്റ്റ് ഗുസ്താവോ ഫെറാരി, ഫോട്ടോഗ്രാഫി മെന്റര് ബിഷാര മുസ്തഫ എന്നിവരടങ്ങിയ ജൂറിയാണ് അവാര്ഡ് ജേതാവിനെ തെരഞ്ഞെടുത്തത്.
കുവൈറ്റില് നടന്ന ‘മാധ്യമസമ്മേളനം- 2025’ന്റെ വേദിയില് വെച്ചാണ് അവാര്ഡ് ജേതാവിനെ പ്രഖ്യാപിച്ചത്. നാട്ടില് നടക്കുന്ന ചടങ്ങില് പുരസ്കാരം സമ്മാനിക്കും.
