വീട്ടമ്മയെ ഉപദ്രവിക്കാൻ ശ്രമിച്ച കേസിൽ പ്രതി പിടിയിൽ

ആറ്റിങ്ങൽ: വീട്ടമ്മയെ ഉപദ്രവിക്കാൻ ശ്രമിച്ച കേസിൽ പ്രതി പിടിയിൽ. പൊയ്കമുക്ക് പിണറ്റ് വിളാകം വീട്ടിൽ ടാർസൺ എന്നറിയപ്പെടുന്ന അനീഷ് (37) ആണ് അറസ്റ്റിലായത്. 28ന് വൈകുന്നേരം മൂന്നിന് മുദാക്കൽ പൊയ്കമുക്ക് സമീപത്ത് വെച്ചാണ് സംഭവം. വീട്ടമ്മയെ അസഭ്യം പറയുകയും കടന്നു പിടിക്കുകയും ചെയ്തു. അനീഷ് ഇതിനുമുമ്പും ഈ വീട്ടമ്മയെ ഉപദ്രവിക്കാൻ ശ്രമിച്ചിട്ടുള്ളതും ആ കേസിൽ റിമാൻഡിൽ ആയ അനീഷ് ഒരാഴ്ച മുമ്പാണ് ജയിലിൽ നിന്ന് ഇറങ്ങിയത്. ആറ്റിങ്ങൽ പോലീസ് സ്റ്റേഷനിലെ റൗഡി ലിസ്റ്റിൽ ഉൾപ്പെട്ടിട്ടുള്ള പ്രതി മറ്റ് നിരവധി കേസിലെ പ്രതിയുമാണ്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു