കൊച്ചി: തൊടുപുഴ ന്യൂമാന് കോളജ് അധ്യാപകനായിരുന്ന പ്രൊഫ ടി ജെ ജോസഫിന്റെ കൈ വെട്ടിയ കേസില് ശിക്ഷാ വിധി ഇന്ന്. ഉച്ചയ്ക്ക് മൂന്ന് മണിയോടെ എന്ഐഎ പ്രത്യേക കോടതി കുറ്റക്കാർക്കെതിരെ ശിക്ഷ വിധിക്കും.കേസിൽ ആറു പ്രതികള്കൂടി കുറ്റക്കാരാണെന്ന് ഇന്നലെ കോടതി കണ്ടെത്തിയിരുന്നു. പ്രതികള്ക്കെതിരെ ഭീകരപ്രവര്ത്തനം ഉള്പ്പെടെയുള്ള കേസുകള് തെളിഞ്ഞതായി പ്രത്യേക ജഡ്ജി അനില് കെ ഭാസ്കര് പറഞ്ഞു.
രണ്ടാം പ്രതി സജല്, മൂന്നാം പ്രതി നാസര്, അഞ്ചാം പ്രതി നജീബ്, ഒന്പതാം പ്രതി നൗഷാദ്, പതിനൊന്നാം പ്രതി മൊയ്തീന് കുഞ്ഞ്, പന്ത്രണ്ടാം പ്രതി അയൂബ് എന്നിവര് കുറ്റക്കാരാണെന്ന് കോടതി വ്യക്തമാക്കി. കുറ്റകൃത്യത്തില് നേരിട്ടു പങ്കെടുത്തയാളാണ് സജല്. കുറ്റകൃത്യത്തിനു ശേഷം പ്രതികളെ ഒളിവില് കഴിയാന് സഹായിച്ചവരാണ് മൂന്നു പേര്.
