ഷോര്ണൂര്: പാചകവാതകം ഉള്പ്പടെയുള്ള പെട്രോളിയം ഉത്പന്നങ്ങള് ഇനി ഓട്ടോറിക്ഷ ഉള്പ്പടെയുള്ള ടാസ്കി വാഹനങ്ങളിലോ സ്വകാര്യ വാഹനങ്ങളിലോ കൊണ്ടു പോകാന് അനുവദിക്കില്ല. ഇതുമായി ബന്ധപ്പെട്ട് 2002ലെ പെട്രോളിയം ആന്ഡ് എക്സ്പ്ലോസീവ്സ് സേഫ്റ്റി ഓര്ഗനൈസേഷന് നിയമം കര്ശനമാക്കാന് തീരുമാനം. ഈ നിയമം ശക്തമാക്കുന്നതോടെ വീടുകളിലേക്ക് എല് പി ജി സിലിണ്ടറുകള് സ്വന്തം വാഹനത്തില് കൊണ്ടു പോയാലും കടുത്ത നടപടികള് നേരിടേണ്ടിവരും.
ഇനി വാഹനങ്ങളില് ഇന്ധനം തീര്ന്ന് വഴിയില് കിടന്നാല് കുപ്പിയുമായി പമ്പില് ചെന്നാല് പോലും ഇന്ധനം ലഭിക്കില്ല. കൂടാതെ ബസുകളില് യാത്രക്കാരുമായി പമ്പില് ചെന്ന് ഡീസലടിക്കുന്നതും നിര്ത്തലാക്കും. എലത്തൂര് ട്രെയിന് തീവയ്പ്പിന്റെ പശ്ചാത്തലത്തിലാണ് തീരുമാനം. ആലപ്പുഴ- കണ്ണൂര് എക്സിക്യുട്ടീവ് എക്സ്പ്രസില് രണ്ട് കുപ്പി പെട്രോളുമായി എത്തിയാണ് പ്രതി തീയിട്ടത്.
