ആറ്റിങ്ങൽ: അവനവഞ്ചേരി മുരളി സ്മാരക ഗ്രന്ഥശാല സംഘടിപ്പിച്ച സ്വാതന്ത്ര്യ സമര ചരിത്ര മെഗാ ക്വിസ് സംസ്ഥാന ലൈബ്രറി കൗൺസിൽ അംഗം എം മുരളീധരൻ ഉദ്ഘാടനം ചെയ്തു. ലൈബ്രറി ബാലവേദി വൈസ് പ്രസിഡന്റ് വൈഷ്ണവ്ദേവ് എസ് അധ്യക്ഷത വഹിച്ചു. ലൈബ്രറി സെക്രട്ടറി കെ വാസുദേവൻ, വൈസ് പ്രസിഡന്റ് കെ.എസ് ഗീത എന്നിവർ സംസാരിച്ചു. ബാലവേദി സെക്രട്ടറി അദ്വൈത് എസ് സ്വാഗതവും ജോയിന്റ് സെക്രട്ടറി അക്ഷയ എ നന്ദിയും പറഞ്ഞു.
യു.പി.വിഭാഗത്തിൽ ഒന്നാം സ്ഥാനം കൃപ എസ് (ഗവ: ഠൗൺ യു.പി.എസ്, ആറ്റിങ്ങൽ), രണ്ടാം സ്ഥാനം അർപ്പിതാ വിനോദ് (ഗവ:എച്ച്.എസ്.എസ് ഇളമ്പ), മൂന്നാം സ്ഥാനം അപർണ ഡി.എസ് (സി.എസ്.ഐ. ഇ.എം എച്ച്.എസ്.എസ്, ആറ്റിങ്ങൽ).എച്ച്.എസ് വിഭാഗത്തിൽ ഒന്നാം സ്ഥാനം വൈഷ്ണവ് ദേവ് എസ് (ഗവ:മോഡൽ ബോയ്സ് എച്ച്.എസ്.എസ്, ആറ്റിങ്ങൽ), രണ്ടാം സ്ഥാനം സാധിക ഡി.എസ് (ഗവ:എച്ച്.എസ്.എസ് ഇളമ്പ), മൂന്നാം സ്ഥാനം അദ്വൈത് എസ് (ഗവ:എച്ച്.എസ് അവനവഞ്ചേരി). ക്വിസ് മാസ്റ്റർ കിഴുവിലം ഗവ: യു.പി.എസിലെ മുൻ ഹെഡ്മാസ്റ്റർ എസ് സതീഷ് കുമാർ ആയിരുന്നു.
