കേരള തീരത്ത് ചക്രവാതച്ചുഴി, 19 വരെ മഴ കനക്കും

തിരുവനന്തപുരം: തെക്കുകിഴക്കൻ അറബിക്കടലിനും തെക്കൻ കേരളതീരത്തിനും മുകളിലായി ചക്രവാതച്ചുഴിയും കൊങ്കൺ തീരത്ത് ന്യൂനമർദ്ദ പാത്തിയും നിലനിൽക്കുന്നതിനാൽ സംസ്ഥാനത്ത് അടുത്ത 5 ദിവസം വ്യാപകമായി ഇടിമിന്നലോടു കൂടിയ മഴക്ക് സാധ്യതയുണ്ടെന്ന് കാലാവസ്ഥ വകുപ്പ്. ഒറ്റപ്പെട്ട സ്ഥലങ്ങളിൽ 17നും 18നും അതിശക്തമായ മഴക്കും സാധ്യതയുണ്ട്. 19 വരെ കേരള തീരങ്ങളിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുള്ളതിനാൽ കേരള – ലക്ഷദ്വീപ് – കർണാടക തീരങ്ങളിൽ മത്സ്യബന്ധനത്തിന് വിലക്കുണ്ട്.