ദീർഘനാളായുള്ള പൊതുജനങ്ങളുടേയും, റസിഡൻസ് അസോസിയേഷൻ മെമ്പർമാരുടേയും അഭ്യർഥന മാനിച്ച് ആറ്റിങ്ങൽ പാടിക്കവിളാകം ട്രാൻസ്ഫോർ(വി വി ക്ലിനിക് ഇറക്കം) മുതൽ ബി എച്ച് എസ് എസ് റോഡിന്റെ ഇറക്കം വരെയുള്ള റോഡിന് സി.പ്രദീപ് റോഡ് എന്ന് നാമകരണം ചെയ്തു.
ദീർഘകാലം നിലവിലെ 11-ാം വാർഡ് മെമ്പറും, കെ എസ് ആർ എ രക്ഷാധികാരിയും, പ്രദേശത്തെ നിരവധി റോഡു വികസനത്തിനു കാരണക്കാരനുമായ മുൻ വൈസ് ചെയർമാൻ കൂടിയായ സി പ്രദീപിന്റെ സ്മരണാർഥമാണ് ഈ നാമകരണം എന്ന് റസിഡൻസ് അസോസിയേഷൻ അറിയിച്ചു. കൂടാതെ ബി എച്ച് എസ് എസ് റോഡിലെ പ്രധാന ജംഗ്ഷന് സൗഹൃദ ജംഗ്ഷൻ എന്ന് പേരിടുകയു ചെയ്തു. നഗരസഭയുമായി ചേർന്ന് നാമകരണത്തിന്റെ തുടർ നടപടികളും കാലതാമസമില്ലാതെ പൂർത്തിയാക്കും എന്ന് കെ എസ് ആർ എ വ്യക്തമാക്കി.
