ന്യൂഡല്ഹി: രാജ്യം 74-ാമത് റിപ്പബ്ലിക് ദിനം വര്ണാഭമായ ചടങ്ങുകളോടെ ആഘോഷിക്കുന്നു. ദേശീയ യുദ്ധസ്മാരകത്തില് പ്രധാനമന്ത്രി പുഷ്പചക്രം അര്പിച്ചതോടെയാണ് ചടങ്ങുകള്ക്ക് തുടക്കമായത്. സംസ്ഥാനത്തും വിപുലമായ ആഘോഷങ്ങള് നടക്കുന്നുണ്ട്. കര്ത്തവ്യപഥില് രാഷ്ട്രപതി ദ്രൗപദി മുര്മു ദേശീയ പതാക ഉയര്ത്തും. പരേഡില് തന്റെ അംഗരക്ഷകസൈന്യത്തിന്റെ അകമ്പടിയോടെയാണ് രാഷ്ട്രപതിയെത്തിയെത്തുക. തുടര്ന്ന് 21 ഗണ് സല്യൂട്ടോടെ പരേഡ് തുടങ്ങും. സേനാംഗങ്ങളുടെ മാര്ച്ചും നിശ്ചലദൃശ്യങ്ങളും ഫ്ലോട്ടുകളും പിന്നാലെയെത്തും. ടാബ്ലോകള് ചെങ്കോട്ട വരെയെത്തി പൊതുജനങ്ങള്ക്ക് കാണാന് അവസരമൊരുക്കിയിട്ടുണ്ട്.
ഈജിപ്ഷ്യന് പ്രസിഡന്റ് അബ്ദുല് ഫത്ത അല് സിസിയാണ് ഇത്തവണത്തെ ചടങ്ങിലെ മുഖ്യാതിഥി. ആദ്യമായാണ് ഈജിപ്തിലെ ഒരു നേതാവ് അതിഥിയാകുന്നത്. രാവിലെ പത്തിന് പരേഡ് ആരംഭിക്കും. ഈജിപ്ഷ്യന് പട്ടാളവും പരേഡിന്റെ ഭാഗമാകുന്നുണ്ട്.
