ആറ്റിങ്ങൽ: ആൾ ഇന്ത്യ ലോയേഴ്സ് യൂണിയൻ ആറ്റിങ്ങൽ യൂണിറ്റ് കമ്മിറ്റിയുടെ ആഭിമുഖ്യത്തിൽ ആറ്റിങ്ങൽ കോടതി പരിസരത്തു സ്വാതന്ത്ര്യദിനത്തോടനുബന്ധിച്ചു സ്വാതന്ത്ര്യ സമര രക്തസാക്ഷികൾക്ക് ആദരവ് അർപ്പിച്ചു. ആൾ ഇന്ത്യ ലോയേഴ്സ് യൂണിയൻ സംസ്ഥാന കമ്മിറ്റി അംഗം അഡ്വ. മടവൂർ അനിൽ ഉൽഘാടനം നിർവഹിച്ചു. യൂണിറ്റ് പ്രസിഡന്റ് അഡ്വ. സി ജെ രാജേഷ് അധ്യക്ഷനായി. അഡ്വ. കല്ലമ്പലം ഷാജഹാൻ, അഡ്വ.എസ് ലെനിൻ എന്നിവർ അഭിവാദ്യങ്ങൾ അർപ്പിച്ചു സംസാരിച്ചു. യൂണിറ്റ് സെക്രട്ടറി അഡ്വ. ജിനി സ്വാഗതവും, അഡ്വ. ഗീത നന്ദിയും പറഞ്ഞു.
