ഡല്ഹി: രാജ്യതലസ്ഥാനത്ത് ആര്എസ്എസിന് പുതിയ ഓഫീസ്. ‘കേശവ് കുഞ്ച്’ എന്ന പേരിട്ട ഓഫീസില് പന്ത്രണ്ട് നിലകളിലായി മുന്നൂറ് മുറികളാണ് ഉള്ളത്. 150 കോടി രൂപ ചെലവിട്ടാണ് പുതിയ ഓഫീസ് നിര്മിച്ചിരിക്കുന്നത്. ഫെബ്രുവരി 19ന് നടക്കുന്ന പരിപാടിയില് ആര്എസ്എസ് മേധാവി മോഹന് ഭാഗവത്, ജനറല് സെക്രട്ടറി ദത്താത്രേയ ഹൊസബൊളെ എന്നിവര് പങ്കെടുക്കും.
ഹിന്ദുത്വ ആശയം ഉള്ക്കൊള്ളുന്ന 75,000ത്തിലധികം ആളുകളില് നിന്ന് ഫണ്ട് സ്വരുപിച്ചാണ് പുതിയ കെട്ടിടം പണിതത്. 3.75 ഏക്കറില് 5ലക്ഷം സ്ക്വയര് ഫീറ്റ് വിസ്തൃതിയിലുള്ള ഓഫീസ് രൂപകല്പ്പന ചെയ്തത് ഗുജറാത്ത് സ്വദേശിയായ അനൂപ് ദവേയാണ്. ആധുനിക സാങ്കേതിക വിദ്യയും പുരാതന വാസ്തുവിദ്യാരീതികളും സംയോജിപ്പിച്ചാണ് കെട്ടിടം നിര്മിച്ചിരിക്കുന്നത്.
