കൊച്ചിതീരത്ത് ‘ചാള ചാകര’; വാരിക്കൂട്ടി നാട്ടുകാർ

കൊച്ചി: കൊച്ചി തീരത്ത് അത്ഭുതക്കാഴ്ചയായി മത്തി ചാകര. കടലിൽ നിന്ന് കരയിലേക്ക് കയറിയ മത്തിക്കൂട്ടം കൊച്ചിയിലെ വിവിധ തീരങ്ങളിൽ വൻമേളമാണ് തീർത്തത്. കരയിലേക്ക് കുതിച്ചുതുള്ളിച്ചാടുന്ന മത്തി കാഴ്ച കൊച്ചിക്കാരെ അത്ഭുതത്തിലാഴ്ത്തുകയായിരുന്നു. ഫോർട്ട്കൊച്ചി, വൈപ്പിൻ മേഖലകളിൽ ആയിരക്കണക്കിന് മത്തിയാണ് കരയിലേക്ക് എത്തിയത്. ഈ കാഴ്ച കാണാനും ചാള വാരിക്കൂട്ടാനും നിരവധി പേരാണ് പ്രദേശത്ത് എത്തിയത്.